दहिफळ येथे शाॅटसक्रिटमुळे शेतकरी अंजली जोतिबा ढवळे यांचे साडेतीन लाखांचे नुकसान; शेतकऱ्याला मोठा आर्थिक फटका

तेरणा काठ वृत्तसेवा : कळंब तालुक्यातील दहिफळ येथील गट क्रमांक ५५६ मध्ये शॉर्ट सर्किटमुळे लागलेल्या आगीत शेतकरी अंजली जोतिबा ढवळे यांच्या शेतातील दोन एकरांतील ऊस जळून खाक झाला. या आगीत अंदाजे साडेतीन लाख रुपयांचे नुकसान झाल्याचा प्राथमिक अंदाज आहे. या घटनेमुळे संबंधित शेतकऱ्याचे मोठे आर्थिक नुकसान झाले आहे.

शॉर्ट सर्किटमुळे आगीचा भडका

शनिवार, दि. १७ ऑक्टोबर २०२६ रोजी ही घटना घडली. शॉर्ट सर्किटमुळे उसाच्या शेताला आग लागल्याने दोन एकरांतील ऊस जळून खाक झाला. ऊस पिकासाठी शेतकऱ्यांनी केलेली मेहनत, लागवडीचा खर्च आणि पिकातून मिळणाऱ्या उत्पन्नाच्या आशेवर या घटनेमुळे पाणी फेरले गेले आहे.

आगीत ऊस जळाल्याने शेतकऱ्याचे अंदाजे साडेतीन लाख रुपयांचे नुकसान झाल्याचे सांगण्यात येत आहे. आधीच शेतीसमोरील विविध संकटांमुळे शेतकरी आर्थिक अडचणीत असताना या आगीच्या घटनेने आणखी मोठा फटका बसला आहे.

नुकसानभरपाई देण्याची अपेक्षा

या घटनेची संबंधित विभागाने पाहणी करून नुकसानीचे पंचनामे करावेत आणि बाधित शेतकरी अंजली जोतिबा ढवळे यांना नियमानुसार नुकसानभरपाई मिळवून द्यावी, अशी अपेक्षा व्यक्त केली जात आहे.

घटनेमुळे दहिफळ परिसरातील शेतकऱ्यांमध्ये चिंता व्यक्त होत असून, शेतातील विद्युत वाहिन्या व उपकरणांची नियमित तपासणी करण्याची गरजही अधोरेखित झाली आहे.